翻車被困山中3日 狗狗為主人保暖救一命

  狗狗唔止係忠心良伴,仲可以係你嘅救命恩「人」!   紐西蘭一位63歲女子Kerry Jordan,喺當地北島揸車時出意外, 成架車衝出馬路,直墮45米深嘅山谷。 不幸中之大幸係,佢只係有骨折嘅情況, 但係就被困爛晒嘅車廂。   另一個好彩之處係,Kerry帶埋5歲大狗狗Pat出嚟。 事發後,Kerry奮力爬出車外,搵咗一個樹叢暫避,Pat一直陪住。 不過事發位置,係個四野冇人嘅山谷, 等人救?ok!係要等之嘛。   本來約咗Kerry嘅朋友Northe,發現被放飛機又搵極都唔見人,就立即報警。   等候救援嘅3日期間,Pat肩負起照顧主人嘅責任。 而家南半球係冬天,Pat用身體幫Kerry保暖, 更關鍵嘅係佢發現終於有途人經過,於是起勢咁吠, 令路過嘅行山友好奇上前了解,先知發生咁大件事!   事後Kerry被送院,即使傷勢唔輕仲喺ICU,但都可以細聲講Pat點樣帶佢地走出絕境。 Northe又話,向來Kerry都當Pat係仔,今次真係「阿仔救阿媽」嘞。 原文傳送門