前無綫藝人黃澤鋒於社交平台宣布，其52歲的太太陳麗麗成功懷上第一胎！他直言知道老婆這個年齡才懷孕犧牲很大，故會照顧她比以前更無微不至，實在是好老公！大批藝人同網民紛紛敬賀，不過也有網民留言話老來得子，湊細路同教養也是不易的事。其實喺娛樂圈中都有唔少男藝人係高齡爸爸，今次就同大家盤點一下以下8個男藝人啦！

撰文：東方新地 ｜圖片：Instagram

延伸閱讀：

速學8個派對或約會簡單編髮 手殘女都一定做到！

盤點14個明星感人故事紋身 每個都埋藏深層意思！

51歲黃澤鋒 宣布當爸爸

黃澤鋒於2012年離開無綫後成為演藝自由人，他從小習泳，現在不但是游泳教練，更有泰拳拳證是泰拳裁判和教練，非常多才多藝！

努力9年後終成功做人

黃澤鋒與太太在2010年結婚，但一直未有懷孕。喜愛小朋友的二人直言努力9年後終於成功懷孕，可謂「願望成真」！

超高齡產婦犧牲好大

黃澤鋒自己都沒想過老婆52歲還可以成功懷上第一胎，指深知老婆已是超高齡孕婦，犧牲很大，但現時老婆已經懷孕三個月有多，兩人都很高興，很期待嬰兒的來臨。

努力賺奶粉錢 照顧老婆

黃澤鋒笑言老婆休息，便相他要「做埋老婆嗰份」幫手教班，不過辛苦都完全冇所謂！全因小生命的來臨才是最重要。他指現時對老婆照顧周到，跟出跟入，也不會讓老婆辛苦。

而網民看到有關消息，大家都在他貼文下留上「恭喜」等祝福字句，賀喜二人！

盤點娛樂圈8位高齡爸爸

1. 鄭嘉穎

新鮮滾熱辣嘅又點少得49歲嘅鄭嘉穎啊！今年8月同老婆陳凱琳喺峇里島行禮，結婚3個月，11月22號晚就雙雙喺Instagram報喜，有網民就質疑係咪有咗先結婚，不過同時都有不少圈中藝人同粉絲道賀。

當時有唔少圈中藝人出席婚禮，好似王智賢、馬國明、唐詩詠等

二人互相呼應，同步出Post，太太陳凱琳用英文，鄭嘉穎則以中文發表相同的感言。

2. 郭富城

現年53歲嘅郭富城喺2017年4月同方媛（Moka）結婚，同年9月Moka誕下女兒Chant。

有報道指Moka於2017年9月1日在養和醫院誕下BB，惟兩公婆及城城經理人小美都封口不提。不過首次榮升人父嘅城城突然喺社交網興奮晒全家福，上載一張一家三口手指相，宣布BB出世！城城留言：「開心、微妙、感恩！我們仨！成長、家庭、守護！」還有一張「Welcome little one」字樣的圖片。

郭富城抱愛女慶生 方媛高調首晒全家福

今年10月，方媛就喺社交網分享同老公慶生照，更首度高調晒出一家三口合照。不過為咗唔曝光囡囡正面樣，方媛就用個公仔遮住，相中1歲半嘅Chant睇落已經大個咗好多！而城城就一臉慈父樣抱住愛女，天王嫂方媛留言：「Happy birthday！」而目前方媛更懷上第二胎，一家人簡直幸福滿瀉呀！

3. 黎明

51歲嘅黎明自從2012同樂基兒離婚後，2017年同女助手Wing Chan結婚，而且當時仲驚爆老婆懷孕。今年4月22日阿Wing早產一個月誕下五磅B女，女女同黎明細個仲好似樣添！

天王女容貌正式曝光，B女單眼皮兼小嘴仔，肥嘟嘟，網友紛紛大讚BB女好可愛，有如「迷你版黎明」！

4.陳小春

現年51歲嘅陳小春同老婆應采兒喺2010年結婚，13年誕下仔仔Jasper（當時陳小春46歲）。相信大家對於小春一家並唔陌生，因為佢哋經常參與內地綜藝節目，Jasper仲喺《爸爸去哪兒》大受觀眾喜愛。

小春同Jasper真係極度似樣，將二人對調身體都毫無違和感。

小春喺《爸爸去哪兒》入面一開頭對Jasper都好嚴厲，但係後來收到老婆下令唔可以咁惡對仔仔之後，都睇得出小春喺之後嘅旅程收斂咗。

5. 爾冬陞

60歲的爾冬陞被踢爆老來得女，與圈外女友育有一個已兩歲大的囡囡，他表示最初接受不到事實及震驚：「睇住個女令我有驚喜，重新學習好多嘢！」並計劃安排女兒來港讀書。

6. 姜大衛

入行五十多年的姜大衛，當年49歲再做爸爸，與太太李琳琳生孻仔卓文，孻仔與大女依蘭年齡相差21年，現年22歲的卓文有意入行。

7. 謝賢

「四哥」謝賢當年以44歲之齡初爲人父，同狄波拉誕下謝霆鋒，亦係老來得子，之後46歲再誕下謝婷婷，湊夠一個「好」字。

8. 吳孟達

現年66歲的吳孟達早年經曆兩次婚姻失敗，先後誕下一對孖女及第三名女兒，至96年與第三任妻子侯珊燕奉女成婚，誕下吳楚妮，到03年達哥51歲終於老來得子，將幼子視爲金叵羅。

同場加映：

盤點12位高齡陀B的女藝人

1. 梁詠琪

Gigi與西班牙籍老公Sergio結婚3年後，Gigi終於在2014年8月宣佈懷孕，翌年2月誕下囡囡並改名為Sofia，囡囡岀世後，Gigi經常喺IG post 佢地一家嘅幸福照。一家三口十分幸福！最近有報導指，42歲嘅Gigi早已決定要追第二胎，並在積極努力中！

Gigi兩位好個閨密李心潔同楊采妮，都係40歲之後看生BB，而且咁啱都係生咗對孖仔！

2. 李心潔

2013年老公彭順被爆出軌，李心潔最終選擇原諒老公，兩人和好如初。之後李心潔40歲時，就為老公誕下一對可愛孖仔。

哥哥叫彭濟雲，弟弟則叫彭子然，李心潔喺孖仔滿月嗰陣，PO出一張BB正面相，一對孖仔連瞓覺都識笑，超可愛！

3. 楊采妮

楊采妮2013年同做律師嘅邱韶智拉埋天窗，努力咗3年，終於喺2017年宣布懷孕，同年以42歲之齡生咗對孖仔。

一對孖仔出世後 ，楊采妮喺社交平台留言：「親愛的小寶貝們，謝謝你們，到我們的生命裏來，讓我們對愛多了另一種新體悟。爸爸媽媽一直是懷著感恩的心來迎接你們，我們承諾會用心愛著你們，亦希望你們能在充滿愛和感恩之下，健康平安地成長，擁有自己幸福的人生。」

4. 周汶錡

Kathy今年43歲，2015年7月生咗大仔Jacques ，細仔Avner就喺舊年3月20日出世。

Kathy話第二次懷孕，身體有冇比之前辛苦，佢就話基本上同上一胎一樣，完全唔辛苦，冇嘔又冇好容易就攰，胃口亦都冇變，Kathy解釋指可能因為自己的體質問題，所以身邊的朋友都話佢唔似大肚，整個過程就好似正常生活但個肚大咗。

5. 謝安琪

阿Kay 當年未婚懷孕，07年大仔張瞻出世，相隔10年，40歲嘅阿Kay就再生咗囡囡張靖。

Kay揚言要做全職奶媽，實行無了期停工湊女：「希望可以餵足一年母乳！真係擺低工作，以家庭為先，囡囡都係得幾個月，雖然囝囝10歲，但都係要傾偈嘅階段，只要睇住小朋友開心就乜都值得！」

6. 徐若瑄

徐若瑄以42歲之齡，於2015年誕下囝囝小V寶，不過Vivian陀B嗰陣，由於胎位太低，需要一直卧床直至分娩當日！懷孕期間，總共打咗300支安胎針！呢個B真係得來不易呀！

現在的小V寶已經3歲幾喇，係個精靈、健康嘅小朋友！

7. 李嘉欣

李嘉欣於2011年為富二代許晉亨生咗囝囝Jayden，懷孕時風采依舊，絲毫不見浮腫。大美人當時都係41歲。

話咁快Jayden已7歲喇！而家喺新小拔讀緊二年班。

8. 楊張新悅

42歲嘅楊張新悅（Nicola)與區議員老公楊哲安婚後，先後誕下三個囡囡Lucy、Lily和Leah。Nicola早前宣佈意外懷上第四胎，而且今胎都係B女。

9. 朱茵

2012年4月，41歲嘅朱茵突然上載一張與阿Paul的赤裸相擁黑白合照，公佈懷孕的消息。

囡囡叉燒包於12年10月出世，為作紀念，朱茵執筆推出新著作《6磅10安士》，寫下整個懷孕歷程。她於書中寫到自己很喜歡小朋友，小時候已很想當母親，可惜因身體狀況不好，更自爆婦科醫生曾告知只有一成機會懷孕，要有小朋友是一件很難的事。奇蹟懷孕誕下女兒，對朱茵及黃貫中來說，都不是一件容易的事。

10. 吳君如

41 歲
2006年，41歲嘅吳君如生咗囡囡陳是知，據講當時君如大住個肚，依然晚晚返電台開咪做節目。

吳君如在圈內出晒名的愛女，同時亦管教得好嚴！有報導指囡囡陳是知每年花過百萬學費栽培囡囡，單係playgroup已經年年十萬，仲有報大量琴棋書畫的興趣班，囡囡考入南區私立貴族學校的弘立書院。而在家也營造出一個獨特語境，平時用英文及泰文同囡囡溝通，所以年紀小小已一口流利英文。

11. 劉若英

由結婚到生仔都超低調，45歲就生咗第一胎，當時劉若英仲話想生多個，因為怕囝囝一個人會覺得孤單，所以想多個等佢有個伴。

12. 林青霞

林青霞於1994年與邢李㷧結婚，正式嫁入豪門。42歲生咗大女邢愛林，47歲再生細女邢言愛。

而家兩個女分別係22歲同17歲，都已經婷婷玉立喇！

吳若希晒合照冇菊梓喬份！網民：專登唔影一姐

3字尾索過後生女！劉心悠 公開4招保養心得

陳妍希挑戰朱茵演「紫霞仙子」捱批！

大方分享B女得意樣！李亞男：同奶奶餅印樣…

深宵睇《蓋世豪俠》笑住瞓！嚴選最想大台重播的8套經典神劇

背同居有米男友收兵 江嘉敏姣撻伍允龍

家庭聚會冇男友份 17歲沈月黑面對抗邱淑貞

姊妹幫口催婚 鄧麗欣台灣置業等嫁王子

《比悲傷》女主角陳意涵 陀B八個月 肥B唔肥身

吳孟達慨嘆與星爺形同陌路 揭17年冇再合作的原因

插菊梓喬冇人撐！吳若希發難扭跳槽

搣甩地獄廚神惡名 黃翠如煲靚湯 蕭正楠嗌「好滾動！」

靠吳綺莉接濟 卓林煙駁煙遊街

酒井法子被封「網上乞兒」！只因加了兩條連結⋯

傳應采兒陀第二胎！陳小春全家福相留言藏暗示？

貼廿年前孕照 慶囝囝生日 曾華倩：上天賜我最寶貴禮物⋯

【守護神之保險調查】入行逾三十年！60歲苗僑偉 嫩男變型佬

剝牙唔怕痛！陸永5歲細女最怕居然係呢樣嘢…

延伸閱讀：

蘇民峰2019豬年生肖運程（虎、兔、龍篇）