老公傳偷食 林燕玲:唔需要再提

東方日報
·1 分鐘文章
林燕玲專心照顧兒子,無意再生B。
林燕玲專心照顧兒子,無意再生B。

有「小飛俠」之稱的前新聞主播林燕玲,昨日出席跑步機慈善賽,是去年底傳老公偷食落選港姐周依婷後,首次出席公開活動。心情大好的她提起此事有點避忌,問到可有影響夫妻感情?她說:「冇理過,都咁耐。(老公有冇解釋?)過咗去唔需要再提,如果再講大家又好多揣測。(老公依家有冇少咗同異性出街?)如果佢少咗湊仔、令我忙咗就唔得啦,暫時未發生嘅。(會Check佢?)唔會。(依家你哋感情點樣?)幾好。」提起1歲囝囝,她即表現雀躍,指囝囝大得很快,問到可想追多個?她笑言:「冇時間錫多個BB,依家狀態最舒服。」

同場的何嘉莉自爆有傷在身:「呢排喺屋企跳繩練氣,小腿抽筋幾日都未好返。」與楊張新悅等人同組的她,踢爆其他成員亦帶傷上陣,自嘲是「老弱殘兵」。

何嘉莉自爆帶傷出席活動。
何嘉莉自爆帶傷出席活動。
楊張新悅示範「金雞獨立」。
楊張新悅示範「金雞獨立」。