老婆再爆料 梅啟明借立妾問梅媽拎錢 自稱泰籍二奶「梅姐上身」

梅啟明
梅啟明

「梅氏這一家」嘅鬧劇又有新發展,早前梅媽(覃美金)登報同大仔梅啟明脫離關係,梅啟明街頭見記者指姪仔從中作梗。後來梅啟明老婆Joey向網媒披露錄音,力證梅啟明向身在醫院嘅梅媽攞錢,又踢爆梅啟明背妻偷食泰籍女子,但又唔肯離婚。

今日梅啟明老婆Joey再向網媒發千字文,爆出老公更多荒唐事。Joey提到梅啟明時常向即將99歲嘅梅媽苛索金錢,拎唔到錢就打爛屋企傢俬,令梅媽要留喺醫院暫避。梅啟明搭上泰籍女友之後更變本加厲,試過趕走照顧梅媽多年嘅看護,再搵自己人頂上,但上工一日就俾梅媽趕走。

梅啟明與梅媽
梅啟明與梅媽

除此之外,梅啟明更向梅媽聲稱女友有法力,可以請妹妹梅艷芳上身,又向太太表示帶被「上身」後嘅女友去安放梅姐靈位嘅省善真堂等地方。

梅啟明又以「立妾」為名,向梅媽攞錢做禮金,更向照顧梅媽嘅護士介紹女友係「老婆」,完全無視Joey。而泰籍女友更騷擾身在馬來西亞嘅Joey,叫Joey留喺大馬做梅太,仲出言恐嚇Joey返香港就會傷害佢。Joey決定帶埋個仔返港了解,完成隔離後梅啟明竟諸多推搪唔俾兩母子返北角寓所,更對Joey母子不聞不問。Joey直指梅啟明永遠諉過於人,而家連親人都唔放過,佢兩母子要同梅啟明劃清界線。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!