老婆被人身攻擊 林盛斌發長文護航:搞我好喇!

·1 分鐘文章
老婆被人身攻擊 林盛斌發長文護航:搞我好喇!
老婆被人身攻擊 林盛斌發長文護航:搞我好喇!

藝人林盛斌(Bob)與老婆黃乙頤(Pearl)結婚13年,婚後育有三女一子,非常恩愛。Bob喺社交網指最近網上有人對老婆作人身攻擊,甚至無中生有,令廿四孝老公嘅佢忍唔住發文,為老婆護航:「我太太的確唔係乜嘢大美人,佢只係一個普通女人,40歲,從來唔化妝,冇打針,冇整容,鬆動啲先去買兩件靚少少嘅衫着吓,生咗四個小朋友,好努力照顧佢哋,亦安排好佢哋嘅起居飲食同所有嘢,私人時間就去學吓呢樣,做吓嗰樣,然後將自己嘅興趣發展成為事業,靠自己嘅能力同知識去賺取家用,而佢都仍然keep到依家呢個狀態,喺我心目中,已經係『完美』。各位,搞我好啦,放過我屋企人啦,唔該晒!By the way,佢係瘦咗,又靚咗。」

Bob發長文為太太護航!
Bob發長文為太太護航!
佢又大讚太太瘦咗又靚咗!
佢又大讚太太瘦咗又靚咗!

好多網民都大讚Bob嫂係多功能老婆,Bob亦乘機冧爆老婆:「佢係我心目中,係最完美嘅女人」、「佢要兼顧屋企,同埋自己嘅事業,比我更加叻」就連謝安琪都畀Like大讚Bob嫂:「I Love Her!」

連謝安琪都撐呀!
連謝安琪都撐呀!