考有Feel|姜濤狂性大發 193慘遭咬噬Lin頭

·2 分鐘文章

ViuTV愈戰愈勇,由阮小儀、呂爵安(Edan@MIRROR)和黃奕晨(Dixon)主持新綜藝節目《考有Feel》,有MIRROR與ERROR兩大人氣男團助陣,夠晒熱鬧又娛樂性豐富,當中姜濤可以話完全冇偶像包袱,愈玩愈喪頑童上身,最新一集更發牙痕,而受害者就是最近爆紅的193。

撰文:東方新地 圖片:ViuTV電視截圖

考有Feel
《考有Feel》明明是遊戲節目,不過參加者當格鬥節目咁玩,主持人經常趁混亂玩自拍。
考有Feel
日前播出姜濤人mark人攬實阿Dee@ERROR,仲咬對方大髀。

《考有Feel》有追看性

《考有Feel》吸引之處當然是玩遊戲的嘉賓以MIRROR與ERROR成員做膽,ERROR四子走搞笑路線出名玩得,最估唔到是MIRROR成員都可以不顧形象喪玩,變成節目最大賣點,粉絲最開心看到偶像們放下包袱,展現最真實瘋狂一面。

考有Feel
最新一集,姜濤又向阿Dee發動襲擊。
考有Feel
姜濤突然狂性大發,抽住阿Dee對腳將佢倒豎蔥。

姜濤成為節目狂人

節目中MIRROR與ERROR的成員個個都玩得好放,姜濤更加成為狂人,有他出場的集數都會狂性大發,幾乎次次都追住阿Dee@ERROR來追撃。

考有Feel
193收埋姜濤件睡衣,被MIRROR成員捉住,爭持中姜濤有所行動。
考有Feel
姜濤捉住193小腿,唔理三七廿一就噬落去。
考有Feel
193叫得好淒慘。

193成姜濤新目標

因為出言反撃曾志偉而人氣急升的193@ERROR,最近就成為姜濤新目標,二人唔止鬥社交網粉絲人數多,在《考有Feel》中更鬥智鬥力。

考有Feel
姜濤在193身上搵唔到件睡衣,突然再發爛。
考有Feel
姜濤向住193的乳頭咬。
考有Feel
193慘被姜濤兩度咬噬。

姜濤咬完腳咬乳頭

193在《考有Fee》中成日出貓走精面,姜濤這集被他收埋要著的睡衣,合眾人之力捉住193,姜濤竟然發狂一樣在193身上咬噬,咬住小腿再掀起193件Tee,一啖就咬落去,搞到193狂叫救命。節目中姜濤就是衝來衝去不停襲擊人,其過度活躍的舉動唔止令主持人小儀笑唔停,21歲小子的真性情,更令觀眾睇得好開心。

考有Feel
整集都是兩隊人就是打來打去,情況雖混亂但搞笑。
考有Feel
最近爆紅的193成為主要襲擊對象,褲到爛埋。
考有Feel
193仲向住鏡頭展示被咬的lin頭。
考有Feel
發牙痕咬人的姜濤個樣仲好得戚。

延伸閱讀:

姜濤22歲生日榮升地主 富貴姜糖送地又花六位數字買電車廣告

口罩小姐│「浩南」鄭伊琪落街市斬雞謝票 男粉絲爭住去幫襯

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能