【考試先黎病】呈分試重要,定個仔健康重要?

親子王國 Baby-Kingdom.com

撰文:茄莉姨姨

【親子王國分享】

「考試先黎病,唔通連個天都唔鍾意我!」我自己就未試過,但見到有討論區網民話小朋友考升中呈分試先病,醫生要小朋友休息兩天,呢位網民自己贊成架!不過家人就覺得呈分試重要…如果發生喺自己小朋友身上,都真係好難做啊…



 

我見討論區其他網民畀嘅意見都好一致,大家都認為一定係小朋友健康行先,考試次要。最怕小朋友病住夾硬溫書,記唔到入腦,表現失準咪仲衰!仲有平時課堂表現都計分,唔會一個考試定成敗,不如好好休息等補考好過啦!

 

但要留意,如其他網民提供嘅意見所講,並唔係每一間學校都有補考制度,加上補考後的分數有機會打折,所以如果真係要喺考試當日請假,都建議問返校方補考安排夠穩陣啊!不過更加重要,係問下小朋友嘅意願,同佢好好商量,再同校方溝通,就可以搵到最適合嘅安排。

 

病起上黎真係無人想,仲要撞到正考試呢啲「非常時期」,希望呢位網民嘅小朋友快啲好返,早日重返試場!各位大朋友自己都要保重身體,精精神神陪住仔女打呈分試呢場硬仗啊!

 

相關討論:http://bit.ly/2FNLXuw

 


即睇下一篇:想孩子更突出,媽媽建立家族 ‘改名傳統’

其他內容