《聲夢傳奇》參賽者最細只有14歲 網民:學界歌唱比賽?

·3 分鐘文章
《聲夢傳奇》截圖
《聲夢傳奇》截圖

ViuTV皇牌節目《全民造星3》上月圓滿結束,而家輪到無綫推出選秀節目《聲夢傳奇》為樂壇注入新血,今次嘅參賽者係喺千人中揀出15人,佢哋將會接受一連串唱歌及舞台演出訓練。噚晚(3日)播出嘅《聲夢傳奇第一次召集》,參賽者們除咗簡單介紹自己之外,佢哋亦喺錄音室輪流唱歌。想知網民們睇完噚晚嗰集有咩感受,快啲轆落去睇下啦!

把聲經過後期加工
噚晚15位參賽者分組進行錄音,而佢哋只有一次錄音機會,不過當佢哋唱歌時把聲明顯執過,同埋有分鏡唔似一take過,網民們似乎有啲不滿,留言話:「好悶,個個唱歌好似機械人咁,把聲後期加工」、「tune到咁,俾番d真聲聽下好喎」、「邊度似一take過,啲鏡頭可以咁樣飛嚟飛去,有分鏡,咪鬼呃連登仔」、「點解試音 都要執聲。。」、「tune到咁。。係人都變好聽喇」、「tune到咁 我聽cd唔好」、「我想聽live Tune過嘅點解要聽佢地」及「錄好tune過再sync番落條片,話咩錄1 take只係啅頭啫」等等。

似兒童歌唱比賽
今次比賽嘅參賽者平均年齡只有17歲,當中有三位只有14歲,而最大年紀亦只係25歲,網民們就紛紛笑指似兒童歌唱比賽,紛紛留言話:「小學雞歌唱大賽正式開始」、「其實呢個係兒童歌唱比賽」、「十幾歲想點 成個節目搬去放學icu時段啦」、「個個都中學生,學界歌唱比賽?」、「兒童節目?」。另外,亦有網民認為節目充滿青春氣息,會繼續睇落去。

氣氛感覺唔真實
噚晚嗰集,15位參賽者被安排到殿堂級錄音室分組錄歌,不過整集氣氛奇怪及唔自然,唔少網民睇完都話紛紛留言話:「成個氣氛好造作 十足十大陸啲節目」、「好重亞視味」、「成個節目太作狀…嘔心」、「成個模式都好大陸」及「成個氣氛感覺唔太真實 好似彩排過咁 d對白係咪有稿」等等。

參賽者有唔少靚仔靚女
15位參賽者中不乏靚仔靚女,當中最多網民討論嘅係只有14歲嘅Yumi及Chantel,紛紛留言大讚佢哋靚女:「我覺得chantel似雨僑,幾靚女」、「yumi幾好」、「14歲中間嗰個幾靚,呢班好似唱歌真係有d料」及「chantel真係好靚好有氣質」等等。

《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!