聲夢傳奇2︳「翻版蓮姐」19歲趙頌宜 原來係《造星3》折骨BEN個妹 家底唔簡單

捧出炎明熹、姚焯菲等新一代歌手嘅TVB選秀節目《聲夢傳奇》，第2季將於6月開播。一眾學員已經見過傳媒，其中19歲嘅趙頌宜（Maggie）因為有空靈感，被指同師姐蓮姐（林君蓮）撞樣。原來趙頌宜來頭不少，佢哥哥正正係ViuTV《全民造星3》冠軍趙祥誠(Ben)個細妹！

Ben屋企有五兄弟姊妹，感情十分要好。《造星3》之後，大家姐趙綺婷(Elaine)幫手打點Ben嘅工作，Maggie為Ben做化妝師，佢地三姊弟同埋另一位兄弟Tony仲一齊開Youtube Channel。趙氏姊弟都熱愛藝術同表演，Elaine喺港大文學院主修藝術史，畢業後成為全職畫家，曾經參加2019年港姐但落敗；Ben自學跳舞，已經簽唱片公司今年出道；Tony亦係港大學生，亦會分享唱歌片段。

Ben得獎後被傳媒爆料，指佢地屋企家境唔錯，住元朗獨立屋更有司機接送。趙媽媽從商，同萬梓良以兄妹相稱，更一手湊大5個仔女，相當唔簡單。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！