《聲夢》學員群起搶飯碗 菊梓喬：劇集歌唔係我專屬！

曾被封為「劇集歌女王」的「星夢一姐」菊梓喬，盛傳被《聲夢》學員搶飯碗，她強調唱劇集歌非她專利，不想再被標籤局限其歌唱發展。

菊梓喬（Hana）以前幾乎一手包攬無綫劇集主題曲，被封為「劇集歌女王」，但隨着星夢舊老闆何哲圖離開後，加上無綫炮製的歌唱真人騷《聲夢傳奇》大熱，有指由星夢歌手包辦劇集歌的「慣例」即將被打破，據知已被淘汰的《聲夢》學員張馳豪已率先灌錄一齣劇集主題曲，無綫又安排人氣最強的4位美少女炎明熹（Gigi）、姚焯菲、鍾柔美及詹天文唱動畫主題曲。

Hana有份演出《刑偵日記》，但主題曲由男主角王浩信主唱，她僅唱片尾曲，而之前熱播劇《逆天奇案》，她只唱插曲。對於唱劇集主題曲的「專利」被搶走，她說：「其實入咗公司咁耐，我冇話一定要唱劇集歌或唔唱劇集歌，劇集歌唔係我專屬嘅嘢，公司鍾意搵邊個唱咪搵邊個唱，冇乜所謂，覺得適合就得㗎啦！我覺得冇問題，係好多人覺得我淨係唱劇集歌，少少標籤咗，只係當第二個人唱咗就有呢啲Comment，我覺得好得意。」

炎明熹被爆「唔夠秤」棄《造星III》

其實早兩年她跟公司講過不想唱太多劇集歌，她覺得受限制：「局限對歌手發展，事實我都會唱其他歌，都想做一啲自己喜歡嘅音樂或者唔同類型嘅歌曲。」她透露正籌備自家的品牌：「第一次搞生意都緊張㗎，我同幾個拍檔搞，暫時以服裝為主，大約9月左右發布。」

此外，大熱的Gigi人紅是非接踵而來，她的音樂學校同學及參加過《全民造星III》的參賽者T.MAX（海淦清）爆料，指她因為「唔夠秤」而棄《造星III》改去參加《聲夢》，想不到一炮而紅，他覺得Gigi似來自另一星球，想法跟大家思維很不一樣。