聲生不息︳炎明熹唱《心淡》原版和音「被失蹤」 楊千嬅唱鄭秀文作品 陳年不和傳聞出土

尋晚播出嘅《聲生不息》以「港樂與我的城市人生」為主題,但係選曲上其實冇咩太大關連。反而多個演出入面都有唔同細位成為亮點。

聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土

年紀最細嘅炎明熹要唱容祖兒經典之作《心淡》,16歲少女點唱出歌中慘情?於是製作組搵容祖兒本尊親自教路。到正式演唱前打出歌曲創作人名單,內地版本居然見唔到填詞人黃偉文(Wyman)個名。其實《聲生不息》之前都有演唱過Wyman嘅作品,備受討論嘅《單車》同樣係Wyman手筆,結果Wyman都係喺創作人名單上消失……

唔止填詞人名字唔見咗,《心淡》入面一句和音「說什麼再平反」同樣「被失蹤」,換來將「往後這半年間」唱兩次,有啲突兀。

尋晚仲有李玟唱《跳舞街》
尋晚仲有李玟唱《跳舞街》
張智霖唱佢最喜愛嘅陳百強作品《等》
張智霖唱佢最喜愛嘅陳百強作品《等》

全晚另一個焦點係楊千嬅選唱鄭秀文嘅《如何掉眼淚》。千嬅話揀呢首歌係因為想唱作曲人陳輝陽嘅歌,而且自己好多時會以眼淚宣洩情緒咁話。不過花生友唔係咁諗,因為當年楊千嬅出道時被指係「翻版鄭秀文」,甚至傳出鄭秀文轉會後,華星力捧楊千嬅上位取代,令二人不和之說甚囂塵上。但後來鄭秀文同楊千嬅先後加入寰亞成為同事,亦互相為對方個唱做嘉賓。至於網友對於楊千嬅版本嘅評價就好壞參半。係喇,呢首歌同樣係Wyman填詞,但係香港版創作人名單上,填詞人錯為作曲嘅陳輝陽,唔知Wyman點睇?

聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土

同一集出現嘅歌曲《挑戰》,填詞人潘偉源現身說法話係黃敏華「乘住奧運之勢,為祖國為香港選手打氣」。

聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土
聲生不息︳炎明熹唱《心淡》冇得「平反」 楊千嬅唱鄭秀文作品 陳年不和傳聞出土

其實呢首歌真正「身份」係1988年亞視嘅奧運主題曲,當時就無聽過「為祖國為香港選手打氣」呢個講法,更加唔似係亞視出身嘅黃敏華自己揀呢個題材嚟唱。原來1988年亞視播奧運都有故仔講,當年有間由TVB舊人所開嘅公司買下奧運轉播權,亞視扑鎚同呢間公司合作而成為香港區獨家播放奧運電視台。TVB認為亞視此舉違反早前嘅口頭承諾,入稟要求推翻但被判敗訴,告到去英國樞密院(即係而家終審法院)先判TVB勝訴,兩台之後達成共識,往後會一齊購入奧運同世界盃版權。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能