聲生不息|25歲安崎性感演唱《自作多情》 歌舞出眾被睇好係下個蔡依林
由TVB與芒果TV合辦嘅歌唱比賽節目《聲生不息》搵嚟16位香港及內地殿堂級歌手與新生代歌手參與,節目日前已經播出第三集,當中最劇烈嘅競賽環節就係內地歌手安崎(ANQI)《自作多情》與李克勤《傻女》對戰。安崎喺表演中以藍色羽毛貼身短裙登場,並將周慧敏嘅《自作多情》重新改編,除咗唱歌技巧出眾之外,性感舞蹈亦獲得高度關注。
現年25歲嘅重慶歌手安崎(本名陳雅馨),喺2歲嘅時候已經開始學習舞蹈,並曾經就讀廣西藝術學院民族民間舞專業,2008年以女團Hickey喜祺正式出道。加入娛樂圈後,安崎依然參加不同嘅選秀節目,例如《青春有你2》及《爆裂舞台》。安崎喺《青春有你2》中以第6名畢業,並成為期間限定女團「THE9」隊長,約滿解散後以獨立姿態發展。安崎雖然身高只有158cm,但跳起舞上嚟爆發力驚人,再加上有外表又有唱功,喺內地已經擁有不少人氣,除咗喺內地樂壇嘅性感尤物,更被外界睇好成為下一個蔡依林。
入行時間只有數年嘅安崎,負面新聞可以話一啲都唔少。有網民踢爆佢喺廣西藝術學院讀書時與老師有曖昧關係,而對方仲要係有老婆及小朋友。我行我素嘅安崎冇出嚟澄清,反而係呢位老師力證事件子虛烏有。另外喺初出道時,安崎與鄭愷及「THE9」成員趙小棠夜蒲,當時鄭愷老婆正在懷孕,喜愛夜蒲形象深入民心,及後隨即惹起小三嘅傳聞。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!