廣告

【股市脈搏】中國水務畀股東掟散?

【Now財經台】中國水務(00855)今朝有大手成交上板,合共3手涉及近4742萬股,佔已發行股本2.9%,涉資4.57億元,每股成交價9.63元,由於係大手成交,好大可能係有股東沽貨。

中國水務今朝低開0.5%後,跌幅好快擴大至逾8%,低見9.6元,失守上板價,成交量較過去100日同時段平均增5倍。

舊年第4季開始,公用股一直跑贏,而中國水務股價舊年第4季至今累升16%,但今朝喺大成交下急挫,插穿20天線,後市留意有冇減持公布。