廣告

【股市脈搏】「五窮月」恒指100天線頂唔頂得住?

【Now財經台】港股繼上星期五大跌500幾點後,今早跌勢持續,雖然印度疫情仍然失控,區內股市反應唔算太大,但港股喺缺乏北水下表現比較差,在滙豐控股(00005)、內銀股及內險股拖累下,指數跌勢加劇,一度大跌逾460點,低見28256點。

技術走勢亦轉差,恒指上個月一直受制50天線,今日更跌穿埋100天線,即28540點水平,恒指3月底落到100天線有支持,要留意「五窮月」係咪可以歷史重演,不過,睇返過去10年,恒指喺5月都係跌多升少。