【股市脈搏】北水「放完假」 暫錄淨沽出

【Now財經台】日股及A股今日長假後復市,日股大升,但內地股市表現一般,科創板指數跌超過1%。不過,憧憬北水回歸,港股三大指數今朝全線反彈,恒指一度升超過300點,之後升幅不斷收窄。

內地股市休市期間,恒指失守100天線,今日A股一復市就收復返,要留意收市係咪企得穩。

不過,重點始終係成交,南下資金停咗5個交易日,呢5日嘅日均成交只係1000億元多少少,今朝開市約1個鐘,北水暫時錄得淨沽出,至於整體大市成交已經超過500億元,比北水放假期間多超過200億元。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能