【股市脈搏】小心中集車輛「衝落山」

【Now財經台】資金今日追捧一啲有物流運輸概念嘅股份,包括由中集集團(02039)分拆出嚟嘅中集車輛(01839),股價今朝高開唔夠1%後,升勢持續,午後再度發力,一度抽升逾29%,高見6.9元,不單重上6.38元嘅招股價,今年計仲由跌轉升。

中集車輛H股今日強勢,可能同A股漲停板有關。據《彭博》報道,中集車輛A股今朝早錄得488萬股大手成交,作價較噚日A股收市價高20%。

技術走勢方面,要留意中集車輛9天RSI已經上到84嘅極超賣水平,之前兩次升到80樓上隨即大幅回調,小心今日興奮過後,股價會上演「高台跳水」。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能