廣告

【股市脈搏】息都唔要!呢隻內房出完業績急散水

【Now財經台】寶龍地產(01238)開市前出咗業績,由於份業績對辦,刺激股價以暫時高位,高開逾5%,報6.65元,但好快有獲利盤湧現,股價一度倒跌近2%,低見6.18元,最新僅微跌。

集團舊年多賺51%,收入增長逾36%,係上市以嚟最好一份全年業績。雖然冇派特息,但派末期息33港仙,多過舊年末期息加特息,現價計,股息率超過7厘。

寶龍業績對辦,但冇太大驚喜,加上出業績前已經偷步炒上,投資者今朝喺高位出貨,息都唔收走咗先,短線似乎都冇乜利好消息,回調壓力應該唔細。