廣告

【股市脈搏】炒中芯望住呢個位

【Now財經台】明日收市後將會公布業績嘅中芯國際(00981),股價今朝高開後,不久便掉頭向下,一度低見22.5元,跌逾2%,之後逐步收復失地,其後曾倒升逾1.9%,高見23.45元,最新報23.35元。

集團之前宣布4月起,全線產品加價15%至30%,但行業龍頭上月營運數據都唔係好理想,同行表現轉差,可能都會拖住中芯股價後腿,加上之前畀國家集成電路基金減持,中芯RSI回落到31水平,已經非常超賣,依家有個初步反彈,暫時留意守唔守得住23元呢個整數關口。