肥美人|洋腸邢洋陽透露為見MIRROR成員Jeremy增磅10公斤參賽 曾被指似湯洛雯

·3 分鐘文章
《肥美人》截圖
《肥美人》截圖

ViuTV另類選美《肥美人》於4月11日首播,早於FB直播爭奪「Extra Like Girl」時得到逾3000個讚好而直入16強嘅邢洋陽(洋腸)仍然是焦點;《肥美人》參賽條件係要BMI達25以上,網民見到洋腸真身後,指洋腸社交平台嘅相與《肥美人》官方相有好大分別,事關洋腸喺IG分享嘅相身型苗條,稱唔上係肥;而洋腸就發文解釋原因。

洋腸喺IG分享指,自己參賽唔係想展示才藝,亦唔係想證明肥都可以靚,而係為咗見偶像MIRROR成員Jeremy一面,為咗參賽仲刻意增磅,足足有10公斤咁多:「為左合資格,我增左10公斤,可以話係豁出去,所以先會話食蟲都ok。之後投票再入埋16強真係一個美麗既意外,跳唱改詞全部都係一世人第一次,失手都係意料之內;拍呢個節目係我人生中最肥既時刻,所以都預咗俾人話p圖,我應承大家亦都應承自己,節目完左一定會減返去自己最舒服既體形。」唔少網民都留言表示支持:「好正,參賽係為咗見Mirror,仲特登增肥,佩服。」、「加油,你一定會拎到冠軍」、「肥/瘦既你都一樣咁靚」及「勁呀 點都咁正」等等。

洋腸仲喺IG限時動態大玩「有問必答」,佢直言參賽原因係唔想再通宵瞓街(追星),暫時見過Edan呂爵安和Alton王智德,而被問到見到Jeremy會點,佢就回答:「唔好話真係見到,睇到呢個問題已經有啲腳軟。」有網民指洋腸跟本唔係肥美人,佢亦大方分享指189星期前真係唔係;網民又問及洋腸覺唔覺得自己好似JW(王灝兒),佢就話暫時畀人話過似湯洛雯、呂慧儀、JW、苟芸慧等等。同樣都係《肥美人》參賽者嘅譚頌欣(師弟)就轉發洋腸帖文:「你哋成日話我痴(黐)線,追星追到參加比賽,我話你聽我參加嗰陣無而家咁癲㗎,至少我到而家都無瞓過街,無見過真人,洋腸先係最痴線嗰個好冇」,仲指因為自己個AC本來就只發布追星相,就畀各大媒體標籤做鏡粉,難免有點尷尬。

《肥美人》截圖
《肥美人》截圖
《肥美人》截圖
《肥美人》截圖
Jeremy 李駿傑
Jeremy 李駿傑
邢洋陽(洋腸)
邢洋陽(洋腸)
邢洋陽(洋腸)
邢洋陽(洋腸)
邢洋陽(洋腸)
邢洋陽(洋腸)
邢洋陽(洋腸)
邢洋陽(洋腸)
12號 邢洋陽(洋腸)
12號 邢洋陽(洋腸)
12號 邢洋陽(洋腸)
12號 邢洋陽(洋腸)
呂慧儀
呂慧儀
湯洛雯
湯洛雯
JW
JW
苟芸慧
苟芸慧

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能