肥美人|Lezlie爆曾遭《全民造星4》參賽者欺凌 Liu哥最大嫌疑 網民亦估同校生暐翹

·3 分鐘文章
肥美人|Lezlie爆曾遭《全民造星4》參賽者欺凌 Liu哥成最大嫌疑 網民亦估同校生暐翹
肥美人|Lezlie爆曾遭《全民造星4》參賽者欺凌 Liu哥成最大嫌疑 網民亦估同校生暐翹

ViuTV另類選美節目《肥美人》日前(22日)播出8強爭奪戰,3組參賽者需模仿《全民造星IV》參加者曾表演過嘅自選環節;而Lezlie(陳映同)、肥肥茵(蔡茵茵)、容小姐(容承宜)、Heyman(陳曦雯)就被安排模仿何洛瑤(Sica)、林暐翹(暐翹)、郭東彩(東東)及廖雪蕎(Liu哥)曾表演嘅歌曲《Come on, Bad boy!》,不過最重磅嘅Lezlie就突然大喊,自爆曾被片中其中一人欺凌。

Lezlie聲淚俱下表示自己有心理陰影,唔敢睇短片進行練習:「因為我真係唔敢睇條片,我唔敢呀,一聽嗰個人名我會震,我會驚我會恐慌,我估唔到,我以為自己已經冇事,我估唔到我排舞嘅時候都要面對返呢件事」,排舞師Rock sir就建議佢唔洗睇片,盡快熟習歌曲後用自己嘅音樂練習及學習舞蹈動作即可。節目播出後,引起大量網民關注,仲齊齊喺Sica、暐翹、東東及Liu哥中競猜邊位嘅嫌疑最大。

有網民直言覺得係東東或者liu哥;亦有網民就之前Lezlie喺YouTube片分享初中被欺凌嘅經歷作出分析,Lezlie指自己初中就讀傳統Band 1名校,網民指出東東及Sica都唔係出身自傳統Band 1名校,故可排除。有網民就搵到暐翹曾經與Lezlie同校嘅線索,但就指二人年齡相差約3年,認為未必係暐翹;剩下嘅Liu哥就未被查出係咪與Lezlie同校,但就被翻出爸爸係前港隊十項全能運動員廖志強,故遺傳良好運動細胞,亦搵出Liu哥小學時疑似出戰傳統名校運動聯賽及中學參加「全港中學生超新聲歌唱大賽」嘅報導,認為Liu哥都係就讀傳統Band 1名校,成為最大嫌疑人;網民就留言指:「我覺得佢係講liu哥,因為其他三個都係20/21歲,得liu哥24歲先有機會同佢做到中學同學。」。不過,都有網民認為欺凌唔一定要同年同級先做到,暐翹都有嫌疑咁話。

《肥美人》截圖
《肥美人》截圖
《肥美人》截圖
《肥美人》截圖
《肥美人》截圖
《肥美人》截圖
《肥美人》截圖
《肥美人》截圖
《全民造星IV》截圖
《全民造星IV》截圖
林暐翹(暐翹)
林暐翹(暐翹)
林暐翹(暐翹)
林暐翹(暐翹)
廖雪蕎(Liu哥)
廖雪蕎(Liu哥)
廖雪蕎(Liu哥)
廖雪蕎(Liu哥)
Lezlie(陳映同)
Lezlie(陳映同)
Lezlie(陳映同)
Lezlie(陳映同)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能