胡曦文食住瘦 Fit咗個半碼!

東方日報
·1 分鐘文章
胡曦文推出自家健康產品,仲試食做埋生招牌!
胡曦文推出自家健康產品,仲試食做埋生招牌!

商界女強人胡曦文昨日為自家品牌IFUBO健康食品舉行分享會,透露聖誕將與男友留家玩煮飯仔,並計劃親自到街市買食材,準備大展廚藝!

梁雪瑤、湯沛宜及許嘉浩昨日到香港宸康醫療中心出席分享會,以行動支持投資健康食品的胡曦文。她透露已籌備該計劃2、3年,直言香港人生活壓力大,希望產品可以幫助他們減壓,並指已試食一年半,身材瘦了個半碼,身體細胞亦有進步。

除了食健康食品,她又行山保持完美體態,平日搭港鐵亦會選擇行樓梯:「唔想每次工作完就叫司機車返屋企,反而想透過車程睇好多生活上嘅嘢,會令個人輕鬆啲!」

增聘人手助紓困

聖誕佳節將至,她表示過往多數出埠慶祝,但今年只能留港,準備與男友過二人世界:「我好鍾意去街市,所以到時會去買餸,自己下廚。(對明年有咩展望?)我希望每個人都生活得開心,身體健康。呢排聽到有朋友畀人『炒魷魚』覺得好心痛,所以嚟緊想公司請多啲人。」

至於湯沛宜慶幸疫情下仍有賺錢出路:「年初開始幫網上平台做直播帶貨,儲落一班粉絲,依家有同啲品牌合作,喺自己平台度拎產品講解,賣到會有分成,都夠食餐飯。」

胡曦文舉行分享會,好友專誠撐場。
胡曦文舉行分享會,好友專誠撐場。
聖誕冇機會外遊,胡曦文決定同男友玩煮飯仔。
聖誕冇機會外遊,胡曦文決定同男友玩煮飯仔。