藝人胡杏兒昨日為燒肉店擔任一日店長，身為三子之母被讚身材依然弗爆，她開心說：「依家約110磅，為健康囉，都咁上下年紀，要有體力陪3個仔玩，所以除咗做運動，都好注意飲食。」她透露稍後到橫店拍古裝劇，會帶不用返學的孻仔同行，為期約3個月，期間可隨時返港：「我喺香港都有嘢做，好耐冇拍古裝劇，係女主角之一。」

問到可會再拍港劇？她笑言要求不高，但要視乎劇本、角色及時間，她只收「開心價」酬勞，又指無綫數年前曾找她傾合作，但當時因懷孕才沒返娘家開工。