胡諾言做核酸檢測保安全

胡諾言（胡仔）、滕麗名與呂慧儀等於「無罩式」情況下進行錄影，有中招危機！家有3個小朋友的胡仔昨日受訪時表示收到好友陳山聰確診的消息：「尋晚錄影完返去，佢漏夜話我知確診，我都瞓到矇矇矓矓，即刻起身做快測，冇事，今朝我再去做核酸，都係陰性。尋晚見山聰冇乜嘢，希望佢快啲好番。講真，我啲小朋友每日返學都要做檢測，所以屋企有大量檢測包，我做《流行都市》前都會做，呢段時間會小心啲。」

而滕麗名與呂慧儀均表示每日開工前會做檢測及定期做核酸，以策安全。