脫出戰爭陰霾 伊拉克驚現機械人餐廳
餐廳用機械人點餐及送餐其實早已經唔係新鮮事,不過通常聽到都係係於先進國家或地區,你又估唔估到於飽受戰爭嘅城市居然都有呢?長年飽受戰火侵襲嘅伊拉克古城摩蘇爾(Mosul)就出現首間機械人餐廳,老闆Rami原本為牙醫,佢開設呢間名為White Fox嘅餐廳就係希望將伊拉克嘅形象變得「更國際化」。
目前餐廳每日都爆滿,除咗有機械人點餐及送餐外,餐廳牆上亦畫滿太空圖畫,令餐廳充滿未來感覺。餐廳機械人雖然都購自海外,不過當中植入嘅程式為本地摩蘇爾大學電機系學生所設計,目前共有4位機械人服務中,將來或者會加入更多。戰火無情,Rami此舉只係希望摩蘇爾盡快擺脫戰爭陰霾,跟外國接軌,如此偉大嘅出發點,當然要支持!
___________________
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
___________________
相關文章: