臨場加戲 棄用打底 周嘉洛出浴露股 遮羞布鬆脫失守

周嘉洛於劇中「美男出浴」。
周嘉洛於劇中「美男出浴」。

藝人周嘉洛獲無綫力捧,劇接劇上位在望!近日他在新劇「全裸演出」,隨即引起網民熱話,難得他不覺「犧牲色相」,拍攝時雖然是臨場加戲,但二話不說豁出去演,相當專業。

周嘉洛擔正的劇集《痞子殿下》近日推出,前晚一集劇情交代張頴康認定陳瀅與其初戀情人相似,故打算趁對方洗澡時查看其背部是否有胎記,豈料沐浴的竟是周嘉洛,期間他站起來露股,而正面鏡頭則用雙手遮掩「小嘉洛」,大灑鹽花!從NG片清晰可見,用來遮掩「小嘉洛」的布塊掉了下來,要以蜜蜂Emoji遮住,相當搞笑。

張頴康焗睇「全豹」

據知這場露股場口是臨時增設,搏到盡的周嘉洛即場答允,為求逼真更棄用打底肉色褲,他受訪時表示:「冇用替身㗎!拍嘅時候都唔尷尬,因為當日基本上只得男同事在場,而且黐咗牛皮膠紙,非常安全。可能角度比較遠,亦唔係好清楚嘅大特寫鏡頭,所以唔覺得好大犧牲,自己感受OK嘅。」問到搣膠紙時有何感覺?他即笑說:「唔係好痛,因為一浸水膠紙就甩,反而係起身時驚穿崩,好彩前面得阿康,佢見到膠紙就甩就話:『我唔想睇,唔好逼我!』」

至於有幸「一窺全豹」的張頴康大讚周嘉洛拚搏:「我只係配合佢嘅演出,唔好睇住佢囉,冇可能有咩反應啦!(現場冇異性?)唔覺有,但唔知有冇佢嘅粉絲偷偷入咗嚟,哈哈!」問到以往有否試過被要求裸露拍攝,他笑指自己非小鮮肉,又指現時播出的搞笑戲只是冰山一角,真正戲肉還未開始。

張頴康劇中演出喜感十足,不單「姣嗲」前輩吳岱融,又試過「生擒」陳瀅及錯手拮傷周嘉洛,他自爆拍攝時經常「焗蟹」:「一山還有一山高,JW比我更加忍唔到笑,拍到後期淨係望住佢已經想笑,我同佢瀨嘢最多!」

讓劇迷「賞月」。
讓劇迷「賞月」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能