自己的post自己回? 蔣麗芸面書管理員扮第三者回覆當場斷正

19+

 

面書唔易玩,尤其是呢啲敏感時刻。

 

唔知老細咩顏色就出post抽水固然會出事,

另一種錯誤係……唔記得轉account。

 

話說九龍西立法會議員蔣麗芸,喺自己嘅facebook專頁出圖,

話喺近期嘅示威當中,有個外國人經常出現仲指手劃腳,

思疑人地係「外國勢力」喺現場做指揮

 

其實事後都有人發現,呢名洋人係居港多年嘅網路紅人Hong Kong Hermit

向來都有去示威遊行拍吓嘢開直播,有過萬人追蹤佢個twitter。

至於被指係「喺現場做指揮」嘅動作,

佢就話係……搲肚腩。

呢個point已經夠有趣,亦惹來唔少網友嘲笑,估唔到喺留言位置,見到蔣議員留言︰

為什麼Ann姐發放了這位外國人的短片,招來咁多網民為他掩飾,真是欲蓋彌彰!

 

Ann姐即是蔣議員嘅「暱稱」,點解有個咁有趣嘅留言?

原因不外呢2個︰

1,面書管理員唔記得轉account,用咗蔣議員帳戶扮第三者留言;

2,面書管理員想用返Ann姐account留言「導正風向」,但係唔記得加返句提醒,

係管理員留言,唔係Ann姐自己留嘅。

仲有個死罪︰

出咗事咁耐都唔刪留言,究竟係坦白定警覺性低?我分唔清了~~

 

呢單嘢令唔少網友諗起「Kelly話得我好啱」嘅潮文,

即係有個毒L喺自己facebook同分身account嘅「女友」互相留言打情罵悄,

結果其中一句唔記得轉account,被人發現係自說自話。

唉呀,乜咁唔小心呀,要唔要搵Kelly鬧下你?

原post傳送門

你可能還想看