自爆倒貼做無綫 吳若希唔怕被雪藏

吳若希補鑊表示在無綫12年獲益良多,結識了不少良師益友。
吳若希補鑊表示在無綫12年獲益良多,結識了不少良師益友。

吳若希為宣傳本月11日在麥花臣場館舉行的首個香港個唱,日前接受主持艾力的網上節目訪問,爆Seed指在無綫工作非為錢:「全世界都知TVB做嘢冇錢,仲要倒貼!」嚇到艾力亦擔心她被「照肺」,她隨即大笑說:「吳若希告別演唱會。」

昨日她受訪時否認「數臭」公司:「我係講返無綫唔止為錢,做得開心最緊要,同埋我係講歌手做宣傳係靠自己化妝、整頭,所以先話倒貼,全行都係咁,做藝人就唔同,做多幾個騷就多勞多得。」她不怕被「雪藏」,因無綫早知其性格亦很愛錫她,而她亦很努力工作,又爆高層為她改新花名:「叫我做『唔識死』!」問會否覺得「玩大咗」,她認為是有心人興風作浪,相信明智的人會明白其意思。