自爆多次被舊公司逼整容 楊洛婷拒妥協遭雪藏

·2 分鐘文章
自爆多次被舊公司逼整容 楊洛婷拒妥協遭雪藏
自爆多次被舊公司逼整容 楊洛婷拒妥協遭雪藏

樂隊Dear Jane日前舉行5場紅館演唱會,主音黃天翱(Tim)老婆楊洛婷就撐到底,而佢都喺社交網寫千字文分享入行以來嘅高低起跌及經歷。身為2003年港姐亞軍嘅佢,突然自爆曾被舊公司逼去整容:「曾經有一段時間,我被舊公司不斷無理咁逼我去整容,因為我唔肯妥協、唔肯就犯,所以就被人無情咁『掟入雪櫃』,結果我冇工作冇收入。當時我老公就好型咁同我講😎,佢會用佢嘅所有能力去照顧我。的而且確,我老公絕對有履行佢對我嘅承諾,而幸運嘅係,我精彩嘅主持生涯亦隨即展開。呢個就係我哋❤️愛情故事嘅開始。」

楊洛婷寫千字文大爆曾被迫整容。
楊洛婷寫千字文大爆曾被迫整容。
Tim就話會用所有能力去照顧佢。
Tim就話會用所有能力去照顧佢。

佢直言雖然好相信老公及Dear Jane,但喺樂隊經歷低潮時,曾勸過Tim面對現實,甚至轉行:「依家諗番,我好慶幸佢當時冇聽我講,我真係好佩服佢哋對理想嘅堅持同毅力!」而以往佢都會求神拜佛,努力叫身邊所有朋友買飛支持Dear Jane,但今次撞正佢坐月,竟然反過來大家叫佢幫手買飛:「連一啲素未謀面嘅人,好似餐廳侍應、幫我整電話嘅師傅等等,都一一走來搵我買飛(我即使再忙都出盡全力幫手答謝大家),我真心為Dear Jane感到無比嘅光榮同驕傲!」

曾勸過阿Tim轉行!
曾勸過阿Tim轉行!
如今兩公婆都各有成就!
如今兩公婆都各有成就!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能