自爆被性侵經歷 譚杏藍鼓起勇氣剖白男友零反應

自爆被性侵經歷 譚杏藍鼓起勇氣剖白男友零反應
自爆被性侵經歷 譚杏藍鼓起勇氣剖白男友零反應

歌手譚杏藍(小花)昨日出片自揭在學期間曾多次被性騷擾,最嚴重的一次是慘遭迎面而來的陌生男人揸下體,情況令人髮指!小花接受東網訪時表示,片段出街後收到好多身邊的女性朋友、網民的私訊,全部都是被性騷擾的經歷:「甚至有朋友講經歷過我嘅經歷,仲問係咪好普遍,所以正正係咁,唔可以畀大家覺得係好普遍,就講出嚟!」至於一直被蒙在鼓裏的媽媽,小花說未知對方有冇睇片,暫時都未有出聲。

譚杏藍昨日出片自揭曾多次被性騷擾,引嚟迴響。
譚杏藍昨日出片自揭曾多次被性騷擾,引嚟迴響。

她說若現時再發生同類事情、或眼見有人被性騷擾,都絕不啞忍,但不敢想像自己會做出甚麼制止行為:「比起以前我『辣』咗好多,因為以前實在太膽小,依家嘅我唔知會做啲乜,總之一定會企出嚟揭發,再衝上去幫個女仔或者男仔,一定唔會再啞忍!」

仲話因為呢啲經歷先至成就比較潑辣嘅自己。
仲話因為呢啲經歷先至成就比較潑辣嘅自己。
平時佢都會晒性感照,走出陰霾。
平時佢都會晒性感照,走出陰霾。

片段中小花說性騷擾經歷會成一世烙印,不過她已漸走出陰霾,幾年前調整思想,鼓起勇氣向男友及2位閨蜜剖白:「事發當刻真係驚到唔敢同任何人講,好彩身邊有佢哋聆聽,講出嚟比較容易過,其實今次拍呢條片,都有少少『餘韻』嘅感覺、回憶係衝咗上腦。」又謂最緊要從經歷中有所學習,藉被性騷擾一事,她說自此學識要為自己站出來:「因為呢啲經歷先至成就比較潑辣嘅自己。」男友聽到有何反應?小花笑指對方竟然零反應:「我同佢講嗰陣係好Casual,佢『吓』咗幾吓,大家都知呢件事已經過咗去。」

不過佢同男友講出慘痛經歷時,只得到對方「吓」咗幾聲…
不過佢同男友講出慘痛經歷時,只得到對方「吓」咗幾聲…

另外,講到台灣宅男女神雞排妹(鄭家純)日前自爆慘遭「連環性騷擾」,小花說:「出咗條片先有人話畀我聽,我覺得就算睇唔睇到呢啲新聞,依家嘅女仔係要挺身而出,唔好再啞忍。」於職場上曾被性騷擾?她坦話沒有,又自嘲零魅力:「自從我進入職場之後,發現身邊嘅男仔、前輩都當我係男仔,對我好似冇乜興趣,哈哈!」

已依家佢身邊嘅男仔、前輩都當佢係男仔,自嘲零魅力。
已依家佢身邊嘅男仔、前輩都當佢係男仔,自嘲零魅力。