自薦無條件和鄭中基合作 胡子彤:hehe情糟質我都得

星島日報相片
星島日報相片

【星島日報報道】新銳導演馮智恒自編自導的第四屆首部劇情電影計畫得獎作品《遺愛》,由鄭中基胡子彤、陳漢娜(Hanna)、陶禧玲等主演,獲電影發展基金撥款資助約500萬元資金下完成拍攝,馮智恒坦言理論上沒有可能,但之前好多導演拍出好的電影,令品牌得到效應,從而獲得好多人幫手,主演鄭中基睇過劇本好信任,更零片酬演出力撐。

視鄭中基為偶像的胡子彤,笑言今次只合作一場戲,好緊張、十足粉絲心情,雖然那場戲要寸鄭中基,但內心卻是心心眼。問到下次會否自薦再合作?他說:「我隨時都得,我等你、我愛你。如果同佢再合作做乜 角色都得!(hehe情都得?)得,真係!拍搞笑戲糟質我都得,大家知佢係笑匠,如果在佢身上擦出火花係好事,我唔驚接唔住,因為一定接唔住,所以可以大家鬥先好玩。」

陶禧玲在戲中扮演陳漢娜(Hanna)長大後的女兒,跟鄭中基有好多對手戲,更大讚對方很好人:「其中一場重頭戲要向鄭中基自白,起初好驚又怕會NG,但佢一坐響度成身就係戲,已經帶我入戲,講起都眼濕濕,戲中都要喊。」

文:鄺芷瑩 圖:鄧國良

髮型:Keith@O4(胡子彤)

化妝:Bon Bon@MOD makeup academy(胡子彤)

服裝:Club Monaco(胡子彤)、nila_room(陶禧玲)

■導演馮智恒(中)、主演胡子彤(左)、陶禧玲接受訪問谷新戲。

娛樂