自認Sweet女友 力保螢幕初吻 菊梓喬發嬌嗔 難得講「唔唱K」

·2 分鐘文章
菊梓喬提起與吳卓羲的緋聞即甜笑。
菊梓喬提起與吳卓羲的緋聞即甜笑。

歌手菊梓喬藉着新歌表明心迹,直認愛情路上好「勇」,願為愛付出所有,聽到緋聞男友吳卓羲的花名,她即在鏡頭前失控喪笑,大談「唔唱K」。

菊梓喬(Hana)的新歌《愛無餘地》MV首播,今次MV邀來楊潮凱擔任男主角,有攬攬及扮錫的親熱鏡頭,Hana笑說:「唔緊張,唔係真係錫,所以冇乜嘢,零怕醜。」成功保住螢幕初吻的她笑說:「係呀,仲係處子之身。」談到歌曲講述為愛可以付出任何代價,她說:「女仔都係咁。(你嘅愛情態度?)我不嬲都愛無反顧。(好勇喎!)都係,不過首歌裏面個女仔偉大啲,我就只係盡力。」

有好消息會公布

Hana覺得新歌充滿浪漫感覺,最近與吳卓羲的緋聞鬧得熱烘烘,問到演唱時豈不更sweet?心情靚爆的她即笑說:「我覺得自己係sweet嘅。」眾所皆知吳卓羲的花名是「唔唱K」,記者打趣問她推出新歌後可以「唱K」,她聞言即喪笑不停,被問到是否鍾意「唱K」時,她說:「唔係好鍾意去卡拉OK,覺得好黑同好嘈。」再問是否不喜歡「唱K」?她忍着笑說:「係唔鍾意黑。」

問到2人可有談論雙方的緋聞?Hana甜笑謂:「冇乜提。(有冇因緋聞而多聯絡?)冇乜特別。(外界認定咗吳卓羲默認感情事!)咁祝佢幸福。(你唔祝自己?)我想大家開心。(感情穩定會公開?)我鍾意報喜不報憂。」

菊梓喬與楊潮凱
菊梓喬與楊潮凱
菊梓喬與楊潮凱又攬又錫,但吻戲只是借位。
菊梓喬與楊潮凱又攬又錫,但吻戲只是借位。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能