至尊電影《少林足球》三大揭秘

東方日報
·2 分鐘文章

金像獎明年踏入40周年,每屆均選出一部「最佳電影」,能夠成為當中至尊,固然有一定分量,入圍名單包括張婉婷執導的《秋天的童話》、吳宇森執導的《英雄本色》、周星馳集編、導、演於一身的《少林足球》、劉偉強及麥兆輝執導的《無間道》,以及王家衛執導的《阿飛正傳》,結果由《少林足球》殺出重圍,奪30票成為「至尊金像電影」!

暗藏神秘演員!

片中「三師兄」田啟文(田雞)以及「六師弟」林子聰日前受訪,大談拍攝該片的「三大秘密」。田雞踢爆該片其實有位「神秘演員」,但因周星馳最終換了另一段「汽車維修員」馮勉恒的戲,令這位「神秘演員」慘被Cut走,原來他就是林盛斌(Bob)!田雞說:「阿Bob當時啱啱喺外國返嚟,搵咗佢拍沙地一場踢波戲,本來拍好晒OK咗,但星爺諗諗吓又Cut咗佢,改咗汽車維修員嗰段,呢部應該係林盛斌第一部戲,但冇人知。」肥仔聰補充:「其實有問過佢願唔願意留多幾個月再試,但因為佢要返電台,所以冇辦法留低。」

「六師弟」有穿崩位

肥仔聰則自爆一個「穿崩位」:「唔少人同我講睇咗呢套戲幾百次,但佢哋都睇唔到入面有個穿崩位,就係我拍嘅時候曾經因為斷威吔跌傷隻腳,所以尾場成班師兄弟衝出去踢波嗰場,我係冇跑到,因為根本跑唔到。但鏡頭一轉,我又喺個球場上,好似鬼影變幻球咁突然出現,真係要非常留心先會睇到。」

外景「翻兜」兩頭騰

周星馳拍戲出名認真,田雞與林子聰指當年電影開拍,先在珠海拍攝「大師兄」黃一飛的酒吧戲份,之後大隊飛往上海開工,但因為周星馳覺得酒吧戲份尚有發展空間,所以一聲令下,大隊又「翻兜」撲返珠海重新搭景再拍,不惜工本之餘,亦盡顯他拍戲的霸氣,每個細節執到正,笑片都拍得非常細緻認真!

鄧月平:「呢個世界冇人唔識周星馳,佢係一位非常犀利嘅人,好想同佢合作。《少林足球》無論劇本、特效、演員,樣樣都做得好好!」
鄧月平:「呢個世界冇人唔識周星馳,佢係一位非常犀利嘅人,好想同佢合作。《少林足球》無論劇本、特效、演員,樣樣都做得好好!」
姚子羚:「好鍾意星爺嘅戲,因為無論你幾時睇番、就算你知道晒啲笑位喺邊,睇幾多次都一樣咁好笑。」
姚子羚:「好鍾意星爺嘅戲,因為無論你幾時睇番、就算你知道晒啲笑位喺邊,睇幾多次都一樣咁好笑。」
吳業坤:「周星馳大家都好鍾意,《少林足球》唔係無厘頭嘅搞笑,搞笑中帶點奮鬥,奮鬥中帶住血汗、淚水,係套好好嘅電影。」
吳業坤:「周星馳大家都好鍾意,《少林足球》唔係無厘頭嘅搞笑,搞笑中帶點奮鬥,奮鬥中帶住血汗、淚水,係套好好嘅電影。」
郭子豪:「周星馳電影入面好多對白我都背晒,我係佢粉絲嚟!記得戲入面有場同黃一飛和尚造型對唱,非常有趣。」
郭子豪:「周星馳電影入面好多對白我都背晒,我係佢粉絲嚟!記得戲入面有場同黃一飛和尚造型對唱,非常有趣。」