與江嘉敏台慶互睥 馮盈盈暗寸係雙面人

·2 分鐘文章
與江嘉敏台慶互睥 馮盈盈暗寸係雙面人
與江嘉敏台慶互睥 馮盈盈暗寸係雙面人

話題港姐馮盈盈(FYY)又有新搞作,借主持《#後生仔傾吓偈》節目暗寸對手,令人諗起早前與她傳不和嘅江嘉敏。

馮盈盈(第二排左)與江嘉敏(第二排右)在台慶夜互睥。
馮盈盈(第二排左)與江嘉敏(第二排右)在台慶夜互睥。

仲記得台慶當晚影大合照嗰陣,唔知係咪有心人大整蠱,FYY同江嘉敏被安排企埋同一行,兩女斜視互睥,盡顯霸氣,中間夾住嗰個胡鴻鈞直係尷尬到死,惟有耷低頭避免受牽連,話晒台慶係普天同慶嘅好日子,點都唔好搞大件事!

馮盈盈在《#後生仔傾吓偈》節目上講到眉飛色舞。
馮盈盈在《#後生仔傾吓偈》節目上講到眉飛色舞。

點知,FYY公器私用玩「覆桌」,話說《#後生仔傾吓偈》呢集咁啱以「雙面人」做主題,FYY開口就話:「雙面人問我最清楚,對住你一個樣,對其他人又另一個樣。事事都批評嘅人,一定係自己有嗰種特質,例如話人貪錢。」

馮盈盈以「雙面人」暗寸過氣好妹。
馮盈盈以「雙面人」暗寸過氣好妹。

陸浩明醒目食住上:「即係話你黐富二代嘅人,自己一定係想黐富二代?」馮盈盈回答:「本身有咁嘅特質,先會特別提起。由得佢哋繼續講,反正我冇做呢樣嘢。(可能調轉係啲富二代鍾意黐埋冠軍靚女度接近你?)如果佢有咁嘅言行舉止一定有人知,自然有一日佢會為自己做過嘅事帶嚟後果。唔需要你同佢操心,好似同佢同一層次咁,喺度爭論誰是誰非。」

馮盈盈以「雙面人」暗寸過氣好妹。
馮盈盈以「雙面人」暗寸過氣好妹。

早前,有傳馮盈盈上賭王四太梁安琪兒子何猷亨豪華遊艇出海開P,事後就與江嘉敏反目。

【相關搜尋】江嘉敏被指收錢扯皮條