雅虎香港新聞 與黃心穎斷聯絡 馬國明避談婚期 推黃智雯擋駕
馬國明的新歡湯洛雯與舊愛黃心穎，最近在社交網互相取消關注，他揚言沒有留意，被追問婚期時又與黃智雯互相「推莊」；而新婚的袁偉豪笑言不排除「意外」造人。
馬國明、黃智雯、袁偉豪與蔡思貝等昨日在將軍澳電視城宣傳劇集《使徒行者3》，馬國明被問到女友湯洛雯與舊愛黃心穎互相取消關注，姊妹情不再，他說：「冇留意，要問番佢哋，又冇聯絡喎！（無綫同黃心穎解約？）冇聽過。（解約對心穎重新發展係好事？）要問番佢本人，將來佢想喺邊度發展，要問佢自己。」
馬國明又戥剛做「老襯」的袁偉豪高興，問會否受感染想結婚？他即置身事外並「推波」給黃智雯，黃智雯笑說：「大佬馬國明唔結，我都唔敢結住啦！哈哈！」馬國明即回應：「你等我就死啦！到時候一定公開講嘅。」另外，對於蕭正楠正在隔離營，馬國明表示曾聯絡他，知道他受感染機會不大，但為了公眾衞生，隔離也是好事。
袁偉豪造人等驚喜
至於袁偉豪與張寶兒結婚後休息1日即投入工作，繼續為新劇《把關者們》開工，他希望疫情過後度蜜月，並舉行晚宴招呼朋友。問到屆時可會與BB滿月一起進行？他說：「造人暫時唔諗，寶兒好享受事業，唔想打亂佢嘅工作計劃，除非有意外驚喜。（心急做爸爸？）都係睇佢，我都鍾意小朋友嘅。（製造意外？）呢啲真係好難講，哈哈！講到我好似有預謀咁，唔會啦！呢方面我好小心嘅。」
