舊愛余香凝 單身闖樂壇「搵到伴」

東方日報
·1 分鐘文章
余香凝(後)勇闖樂壇,搵來Cheronna出合唱歌。
余香凝(後)勇闖樂壇,搵來Cheronna出合唱歌。

陳家樂當年被指遭余香凝(Jennifer)狠飛,更令他傷心落淚,分手兩年後情歸連詩雅,相反Jennifer仍然單身,繼續為事業努力拚搏。除了拍電影、電視劇雙線發展外,她還重拾唱歌那團火,早前跟Super Girls成員Cheronna推出合唱歌《天地分裂》。

提到每人都試過天使與魔鬼在心中對峙,乖乖女Jennifer坦言通常被「天使」說服,最難忘有次被老師無故批評仍默默承受:「有個老師專登留低我,話覺得我有啲讀寫障礙,之後我直情喊住咁放Lunch,因為嗰陣未聽過呢個詞語,覺得好大件事,到最後我諗我應該冇,讀書都OK(口架)!」但笑言至今仍會質疑自己是否有讀寫障礙:「例如Po相前條Caption,睇咗幾次都仲會質疑自己。」至於Cheronna則覺得人生最掙扎一刻是選擇應否入行:「天使話父母供養咗我咁耐,叫我孝順啲,讀埋書先諗;但魔鬼話我嘅夢想係唱歌跳舞,機會好難得。」