舊愛傳嫁人 陳豪送定祝福

東方日報
·1 分鐘文章
陳豪(左)、唐詩詠(右)
陳豪(左)、唐詩詠(右)

藝人陳豪、唐詩詠及森美昨午出席鐘錶展,本身有3個小朋友的陳豪指時間寶貴:「真係唔夠時間用!(晚晚唔夠瞓?)OK嘅,只係有時要起身幫(小朋友)冚被,又或者畀人叫醒陪去屙夜尿。」又透露以往有收藏手錶:「依家小朋友嘅學費都有排搞,再買錶都係買畀佢哋,要有GPS,走失咗都搵得番。」談到舊愛廖碧兒有傳明年3月出嫁,陳豪大方回應:「傳啫!證實咗先啦!但無論如何我都會送上祝福。」

唐詩詠則表示對陳豪「身同感受」:「我屋企都有3個小朋友(3隻貓),有2隻年紀大,要分配時間照顧,例如餵食、餵藥同抹身等等。依家學識分配時間,我諗將來有小朋友都可以搞得掂。」

【相關搜尋】廖碧兒富二代男友