性感女神舒淇早前亮相活動，化身湖水綠美人魚，開胸直落肚臍，卻驚見胸骨，昔日澎湃身材慘變平胸。不過舒淇未有理會，呢日喺社交網晒出霸氣蹺腳新相，見佢以超貼身黑色長袖衫上陣，令本身已經纖瘦嘅佢更顯單薄，加上佢再次開胸展露胸骨，兼雙腿幼似火柴，看似皮包骨一樣。但佢似乎仲嫌自己未夠瘦，化妝時刻意用多重陰影加深下顎線，網民都擔心佢走火入魔，紛紛提示佢切勿過度減肥導致過瘦。