航班延誤 醒目機長訂Pizza氹掂乘客

19+

 

搭飛機最憎delay﹐除非……你遇到個醒目機長。

 

加拿大航空一班由多倫多起飛嘅內陸機,

因為天氣關係,要中途降落另一城市費德烈頓,

仲要喺跑道等等等。

本身班機係冇提供餐點,150個乘客餓住等,好容易躁底。

 

正所謂「雞髀打人牙骹軟」,醒目嘅機長於是打咗個電話……

 

叫附近一間薄餅店,送23個pizza去到跑道,等各位乘客有嘢落肚。

 

收到柯打嘅餐廳經理話,送外賣送去跑道都係第一次,

成班手足都好興奮(梗係啦,咁大張單)!

 

咁多個pizza,終於用咗個半鐘先至送到,唔緊要!因為成機人都食得好開心。

有乘客報料,機長唔止訂pizza,仲keep住報告航班情況,

又冇走去邀功話係自己請食嘢,

事後機長仲打去餐廳致謝,真係好抵讚!

 

結果班機要到第二日先起飛,不過似乎大家都好滿意呢位機長。

 

唔知請人食pizza係咪加拿大人特色呢?

之前美國政府機構因為撥款問題而冇糧出,

加拿大嘅航空管制員就自己科水訂pizza,送俾鄰國嘅行家打打氣。

原文傳送門

你可能還想看