英國夫婦河邊燭光晚餐 赫見「裸體渡輪」
愛人之間食燭光晚餐都希望揀個好地方,英國男士John Wood日前跟太太慶祝周年紀念,於是就去咗河邊一間餐廳,估唔到食食下飯突然有一艘渡輪經過,而船上正舉行「天體派對」,幾十位裸體男女於船上狂歡,仲同John佢哋打招呼!
John及後張拍低嘅影片放上網,網民都表示十分好奇,查詢之下原來係英國最著名一個天體組織「Torbay Sun Club」舉行一年一度天體渡輪盛事。1976年成立嘅Torbay Sun Club幾乎每星期都有唔同活動,包括巡遊、天體泳、桑拿聚會等。John就表示好欣賞佢哋呢種自由自在嘅勇氣,唔在乎其他人諗法,仲搞笑話「只是當天風有點大,擔心他們會冷親。」大部分網民都抱正面態度,不過都有人質疑目前英國疫情仍然嚴重,大家如此坦然相對會好容易傳染病毒呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: