雅虎香港新聞 
英國疫後租務 有業主直接免租兩年
早前政府統計處公布4月份零售數據，在訪港旅遊業持續冰封，以及網購習慣加劇的情況下，整體零售依然遠遠未及疫前水平。
本港民生經濟大旺，商場亦重現人流，但昔日的繁華商業街道，尤其是傳統零售旺區「條街就幾難睇」；其中曾為全球最貴租的銅鑼灣羅素街，由「小巴大王」馬亞木持有的羅素街地舖更要短租予手機配件店，據了解正是希望「條街冇咁難睇」。
美股、外匯、加密貨幣免費即時報價，自選投資組合獲取相關新聞提示
羅素街「開倉」一樣唔好睇
之不過，在羅素街「開倉」，其實一樣唔好睇。唔知以下英國大業主呢一招，「小巴大王」又有無參考價值呢？
話說英國南部沿海城市Poole，最近就有10間零售店舖，同時獲業主Legal & General Investment Management （LGT）免繳兩年租金，仲免埋business rates，據說免租目的是希望當地快速復甦，重建繁華商業街道。去年中LGT更早已針對推出了彈性租約，由3至36個月不等，租金水平則視乎收入（turnover rent），目的都是盡快重建昔日經濟圈。
減九成租吸「開倉」，與免租吸品牌店，兩者都可以「填滿」街道，但效果似乎就好唔同。只怕條街開慣倉，唔知要搵下個客時有無困難呢？
睇多啲：
