英國置業Jason Ou (8)【英國買舊樓賺大錢】

she.com
·3 分鐘文章
英國置業Jason Ou (8)【英國買舊樓賺大錢】
英國置業Jason Ou (8)【英國買舊樓賺大錢】


今日有個客人上 Rightmove 在 Epsom (倫敦郊區) 搵咗間二手樓,想喺 make offer 之前叫我畀下意見,用嚟做 simple buy to let。

先講吓層樓背景,這是一幢 freehold 擁有永久性業權的三房 semi-detached house。物業屬於 probate sales,即是經遺囑認證方式銷售,屋主原本係一位老人家,佢係自然死亡,所以間屋唔係凶宅。

如果選擇保留間屋,業主的仔女既要畀番層樓市值的遺產稅之餘,仲要加一大筆裝修費先可以住得人。仔女唔想畀呢筆錢,於是就選擇放售,所以層樓係低於市價出售。

講番間屋,大家可以想像一下 60 年代嘅裝修風格、古董級的牆紙、紅色地氈、電影橋段裏的吊燈和會發出怪聲的樓梯等等。一句講晒,除咗 double glazed 的玻璃窗,間屋基本上冇嘢可以留低!

客觀來講,間屋絕對係筍盤,我自己就最鍾意殘舊的樓宇,而且愈爛愈好。當然前提係沒有 structure issue,英國本地有好多投資者或 local builder 對此類型物業都虎視眈眈!

剛剛的禮拜六係 open day,簡直當疫情不是一回事!當日一共有 18 個 viewings 預約,最後無一缺席。未等到禮拜一,當場已經有三個 offers,分別為 £490K、£510K 和 £515K,而我個客人就係其中之一個。

解釋一下點解我會幫個客 make offer:第一,層樓開價係 £500K,整體要做大裝修包括掃灰、髹油、換水管、重新拉電線、換新 boiler、新廚房等等,最多£50K 就搞掂。同一條街靚仔嘅同類型三房物業最近兩年歷史成交價係 £630K,條數你都識計啦。

第二,呢個單位係 semi detached,這類型物業無論自住或出租都係最搶手,裝修後攞嚟出租 gross yield return 可以達到 4.5%。將來如果轉讓出售的話,提前入紙申請 side extension、loft conversation 及 back extension(三年有效期)相信可以賣到個更好價位。

第三,此物業 7 分鐘內步行就到 Epsom火車站,做劏房 HMO 簡直係一流。Epsom 半個鐘之內開車可以到達 Gatwick、Heathrow 兩個國際機場,火車到倫敦市中心亦都係 35 分鐘。

第四,再講未來發展潛力,Cross-rail 2 橫貫倫敦南北部,Epsom 係其中之一站,相信到時開通後會對當地樓價升值有一定幫助。

縱觀以上種種因素,買這層樓一定冇得輸,如果你也想在英國買樓投資,以上的功課都是必須要做,肯畀心機,搵到筍盤要賺大錢絕對唔難。

本文作者Jason Ou

英國置業Jason Ou (1)【英格蘭買磚頭遇着租霸?】
英國置業Jason Ou (1)【英格蘭買磚頭遇着租霸?】

大學主修經濟,移居英國22年,任職房地產投資行業超過十年,現為英國Global 32物業公司創辦人。

昔日文章:英國置業Jason Ou

fb@Global32UKproperty

更多相關文章:

澳洲移民專欄#11【技術移民分數夠,點解會申請失敗?】

【心理測驗】為何一直儲不到錢?從增重方式找出你的專屬儲錢法!

將增至全港24間分店?!傳下一間分店將於屯門開幕 網民表示:「實現區區有DONKI」


Follow she.com on Facebook & Instagram