英皇猛片豪華大晒冷 匯聚帝后級 開啟新勢力 霆鋒連拍4大片榮升導演

英皇電影昨日在本屆《香港國際影視展》舉行新片巡禮，多位影帝紅星傾巢而出。謝霆鋒有4部新戲蓄勢待發，更將首執導演筒，向恩師陳木勝致敬。

《2023英皇電影巡禮》昨午舉行，邀得影帝梁朝偉、劉德華、張學友、張家輝、任達華、謝霆鋒及蔡卓妍（阿Sa）等紅星撐場，久未在港露面的成龍亦驚喜現身，吸引數百中港台傳媒到場採訪。據悉，英皇老闆楊受成自1980年首次投資陳百強、張國榮及鍾保羅合演的電影《喝采》後，一直對推動電影製作不遺餘力，直至2000年成立英皇電影，多年來初心不變，以製作好電影及娛樂大眾為首要目標。2023年更鐵定推出多齣重頭大製作，當中包括《金手指》、《海關戰線》、《內幕》及《爆裂點》等。

備受各地片商關注

與此同時，英皇致力培育影圈新勢力，多位新導演包括袁劍偉、陳茂賢、羅耀輝、吳家偉、劉偉恒及梁國輝相繼開拍新戲，當中袁劍偉找來MIRROR成員姜濤、Anson Lo及Edan合演電影《盜月者》，目前已在日本投入拍攝，其他好戲包括《不日成婚2》、《望月》、《出租家人》、《紮職2》、《紮職3》、《衝鋒》、《陰目偵信》及《裡應外合》等亦將面世。幾齣計劃開拍的大片卡士強勁，相信會備受多地的片商高度關注，其中包括謝霆鋒處男下海首執導演筒，再度夥拍成龍與蔡卓妍合演《新警察故事2》。而郭子健執導、劉德華監製兼與霆鋒合演的《怒火蔓延》，以及林超賢繼打破中國內地票房紀錄的《長津湖》後，再度執導新作《無限任務》，並邀來霆鋒與陳偉霆當男主角，同樣蓄勢待發，影迷引頸以待。

林嘉欣開槍上癮

霆鋒昨日偕同張學友、陳家樂、林嘉欣及劉雅瑟等為主演電影《海關戰線》站台，首支預告片率先曝光，片中身手不凡的學友卻自嘲：「睇到咁多就係咁多喇，點及得上霆鋒佢哋！」霆鋒受訪時談到自導自演《新警察故事2》時，感性表示：「每次呢個位（導演）我都會推，難得我哋成個班底及演員，包括吳彥祖及蔡卓妍等全部喺度，但導演陳木勝已經離世。同成龍傾咗好耐，佢叫我拍，冇理由唔做。（搵番所有演員返嚟？）梗係，但都會加新演員嘅，其實個古仔都係我寫嘅。（香港拍？）係，其他嘅戲都喺香港拍。（你搬返嚟？）我會飛嚟飛去。」

霆鋒在《海》片擔任動作指導，大讚各演員相當勤力，問到會否做指導做上癮？他笑說：「其實我拍咗咁多年動作電影，都會度啲動作畀自己嘅，今次幫埋其他演員啫，唔係太大分別。」林嘉欣則透露開拍《海》片前，特意去接受槍械訓練：「連開100槍，原來係會上癮。（老公袁劍偉去咗日本拍《盜月者》，去探班？）唔會喇，獨立啲好。」