說到荃灣搵食，第一時間想起的：路德圍，大河道天橋兩旁，荃灣廣場，都是美食熱點。怎想到在一個街坊式的小商場「荃昌中心」，在一個毫不起眼的轉角位，一間被街坊時裝店包圍的小店，白燈下，冒著熱騰騰的蒸氣，門口站著幾個年輕人低著頭享受小食…..探頭望望，廚房裡面，站著身材嬌小的一位慈祥媽媽，在場熟客都叫她「小廚媽」。

【立即讚好】全新 Yahoo Food Facebook 專頁

改衣師傅 變身微舖廚神

叫她做「媽」，無非是因為她有如媽媽一般的親和力。笑言自己年齡是秘密的她，是個有10年經驗的專業改衣師傅，「改咁多年，儲落好多熟客。」奈何年紀漸長，眼睛出現毛病，開始應付不了長時間的改衣工作，思前想後，決定改變航道，幸好沒有太多不捨得，「做得太耐，都想轉下環境。」

她決定在原本舖位附近另開一間小店，今次做的，是小廚媽最愛的家常小食。「以前一有時間就會為朋友及家人下廚，醉豬手、碗仔翅、瑞士雞翼、粢飯，我都會研究下。」機緣到，第二事業，疫市再起飛。

自製濃湯 配銀針粉

小廚媽坦言「咁細間舖仔，唔係求發達啦，只係想自己心機，手藝有人欣賞認同。」也沒錯，這裡賣的小食都不算特別：魚蛋、芝士腸、咸牛肉蛋治、餐蛋治、辣油燒賣、沙嗲牛肉撈麵、芝士撈麵等正路港式小食。但大部份都比坊間做法更有心機。最特別的，莫過於一碗「濃湯銀針粉」，小廚媽說銀針粉表面都搽上一層油，防止它們黏在一起，而坊間的做法，只會把粉條稍稍沖水就放湯煮熟。

「銀針粉會因此被影響味道，所以我每次都反覆洗好多次，確保表面無油，先會放湯煮，出來整碗都會更清更甜。」至於濃湯的成份就是秘密，只見小廚媽把一小勺已經預先調好，奶黃色的濃湯加入熱水中混和，出來的湯頭就變得鮮甜濃稠，連冬菇、魚片絲及菜脯同吃，飽肚，清甜，才$26，街坊怎會不愛？

銀針粉外，心機位處處：像辣椒油，自已炒，成份8分為材料，2分為油，足料如XO醬，加少少在藥膳燒賣上，縱然燒賣不是自己包，都即時變得惹味。又如沙嗲牛肉撈麵($40)，算是全店最貴的一款小食。皆因牛肉都有十幾塊，小廚媽強調不用鬆肉粉，以自己方法把牛肉醃至腍身，配自製沙嗲醬，是貨真價實的平民美食。

全新訂座平台「Yahoo訂餐廳×Openrice」正式上線！
>>立即按此了解更多香港各區餐廳訂座優惠<<

小廚美食

地址：荃灣西樓角路202-216號荃昌中心昌寧商場1樓5A號舖(地圖按此)

電話：60317317

今晚食乜好？即睇最強雞翼食譜、牛油果食譜合集

食乜養生好？二十四節氣：中醫教路/湯水進補/穴位養生

自助餐推介！睇盡各種自助餐優惠/回本攻略

想知最新飲食資訊？按此觀看Yahoo Food編輯推介

更多荃灣美食推介

【荃灣美食】台灣段純貞牛肉麵香港店開業！自家製手工麵/23種中藥材熬製牛骨湯

【荃灣美食】吉列牛餐廳改餐牌自救 平價賣四式刺身丼/海皇蟹刺身丼

【荃灣美食】港女嫁印度丈夫開印度咖哩店 最正宗印度咖哩口味

【外賣優惠】荃灣10間外賣自取優惠！半價刺身壽司卷物/$48韓式精選便當/酒店級$68外賣餐盒

【荃灣美食】北方餃子店12款特色口味！哈爾賓夫妻檔賣京䓤羊肉餃、酸菜豬肉餃

【荃灣美食】荃灣2大新抵食餃子店！煎松露芝士餃/東北酸肉餃

【荃灣美食】酒店級印度大廚家傳秘方 荃灣小店嘆7色咖喱

【今晚食乜好】唔知今晚食乜餸？立即去Yahoo Food 食譜專頁搵靈感