荃灣豬肉佬阿威紅到日本 疑除口罩真身舊照曝光 意外揭真正職業非豬肉切割員

「荃灣豬肉檔AK」劉宋威(阿威)
「荃灣豬肉檔AK」劉宋威(阿威)

荃灣街市豬肉檔阿威因貌似AK與MC爆紅,縱然未曾除口罩以真面目示人,但已接拍3個廣告、開設YouTube頻道、商場粉絲見面會,就連日本媒體Techinsight都以「帥氣豬肉店店長,人氣不遜偶像」為題介紹阿威,相當厲害。不過,阿威被指愈來愈商業化,又被陳志雲猜測背後有公關公司或專業團隊捧紅;而近日,阿威又被爆出曾經做過傳銷。

網上討論區近日流傳一張疑似阿威嘅舊照,相中人除咗無戴口罩,又拎住一支黑色產品自拍,有網民就認得呢個就係阿威,仲話佢手上嗰支係傳銷產品,拎得呢支產品影相姐係做傳銷工作;仲有網民表示查到呢支產品嘅神奇功效:「呢支嘢癲架,佢哋講到噴胸會豐胸,噴頭會生髮,噴臉會瘦臉,講到支嘢萬能有智慧識得知你噴緊邊。」有網民留言指做傳銷無個好人:「唔怪之得唔除罩,原來做傳銷」、「傳銷傳到做明星,好勵志」、「咁以前職業都係劏豬,但就係劏港豬囉」」等等;不過都有網民力撐阿威:「改過自身,已屬好事,何必要揭他瘡疤」、「做傳銷姐得罪你咩,使唔使網絡公審人?而家威都全職做幕前啦!」、「坐完監果啲應該要delete哂啲案底」等等。

當然,有唔少網民都將焦點放於呢位「疑似阿威」除口罩嘅樣貌,紛紛留言指阿威嘅質數通街都係:「型?周圍送貨個啲都汁十個八個啦,成個大叔咁」、「除罩趕粉絲」、「That’s why佢從來唔除罩,下次除罩嗰陣應該係整容之後,到時就駁話呢啲相唔係佢或影得差架喇」、「成個老童咁喎」等等。阿威早前表示自己有興趣幕前工作,希望有機會拍電影及電視劇,有網民就表示阿威與TVB「御用奸人」李天翔撞樣,提議阿威可以做奸角;不過都有網民認為李天翔靚仔過阿威。

「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
LIHKG 討論區圖片
LIHKG 討論區圖片
LIHKG 討論區圖片
LIHKG 討論區圖片
李天翔
李天翔
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)
「荃灣豬肉檔AK」劉宋威(阿威)首接拍廣告
「荃灣豬肉檔AK」劉宋威(阿威)首接拍廣告

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能