荃灣豬肉檔靚仔豬肉佬出沒「翻版AK」、「勁似MC」受主婦追捧

街市買餸一向講求新鮮、抵買,但最近街市買豬肉出現新標準。日前facebook群組「荃灣人」有網友分享自己與「靚仔豬肉佬」開心合照,旋即引來大批家庭主婦熱烈討論!

荃灣豬肉檔靚仔豬肉佬出沒「翻版AK」、「勁似MC」受主婦追捧
圖片來源:荃灣人facebook群組

網友貼出與「豬肉佬」合照並寫上:「平時少去買餸,真係冇諗過會有咁靚仔嘅豬肉佬。」此帖一出,不少網民紛紛留言。雖然相片當中只能看到「豬肉佬」半張臉,但亦因為這個很重要的原因,為網友帶來無限幻想空間,更指他貌似組合MIRROR成員AK江𤒹生、男歌手MC張天賦、台灣男明星「小豬」羅志祥、藝人吳卓羲等。

荃灣靚仔豬肉佬「翻版AK」成熱話網民超有共鳴

發帖網友指新村街,位於楊屋道街市附近的新村街街市,有網民為了一睹靚仔豬肉佬風采,專程到豬肉檔「朝聖」,希望能見到靚仔豬肉佬一面,可惜未見他上班。雖然這位網友撲空,但未有空手而回,仍然買了一份豬肉,對靚仔工作的豬肉檔表示支持。

荃灣豬肉檔靚仔豬肉佬出沒「翻版AK」、「勁似MC」受主婦追捧
圖片來源:荃灣人facebook群組

除了顏值擔當,不少網民對靚仔豬肉佬的為人處事、銷售手法也有正面評價,選他是「新村街教煮」:「呢個靚仔得嚟仲幾好人,上次買豬肉教埋我煲湯!」,亦有網民分享經歷,指賣肉靚仔不是只此一家:「楊屋道有間凍肉舖都有個高大靚仔版嘅Tyson Yoshi ,平時唔望靚仔嘅我都望多兩眼。」

將軍澳豬肉佬同人唔同命

同樣是豬肉佬,但是卻有「同人唔同命」的情況出現。facebook另一地區討論群組「將軍澳主場」就有豬肉佬被網民「擺上枱」。一位男網友到寶琳街巿買豬肉,向豬肉佬表示要HK$25,結果對方「一切就要我32元」樓主表示不滿不欲付款,竟被豬肉佬不屑對待:「佢切返之後包好,就大力掟比我。」更回上一句,男人老九,食唔起就冇X食,衹怪佢刀法不好」。

圖片來源:將軍澳主場 facebook(圖片經後期處理)
圖片來源:將軍澳主場 facebook(圖片經後期處理)

雖然樓主對豬肉佬不滿,不過網民就沒有一面倒撐樓主,有網民表示「至少豬肉佬沒有呃秤」、更有另一網民表示認同豬肉佬說法:「一個comment就睇到男人窮有幾咁可憐,果$7都好計

��
��

, 仲要數學家咁計到成30%咁威威,都係果句啦:窮咪餐餐食公仔面囉~」,又有網民替豬肉佬被放上網公審感不值。貼文者取暖失敗被網友圍攻,討論區管理員更聞到火藥味火速關閉此帖留言。

正所謂同性相距異性相吸,如果男網友遇着的不是「豬肉佬」而是「豬肉女」,又會不會對切多7蚊豬肉斤斤計較?去街市買送與返工一樣,是一件無論如何幾乎日日都要做的事。如果買餸可以開開心心,大家應該不介意「畀多幾蚊」吧。

更多相關文章:

【母親節禮物】 推介Xiaomi Buds 3T Pro 降噪藍牙耳機及Xiaomi 12 打造全方位影音娛樂體驗

母親節禮物2022|實用貼心送禮提案:珠寶首飾、美妝護膚、家電用品、蛋糕甜點、花束!

【每周星座運程】02/05-08/05︰金牛座公私兩忙飽受精神壓力!處女座小心投資失利!


Follow she.com on Facebook & Instagram

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能