荔枝角全新親民價手工意粉專門店 慢煮龍蝦配自家製闊麵、蜆肉馬拉盞幼麵

想食有質素嘅手工意粉，唔一定要去傳統意大利餐廳嘅～荔枝角D2 Place最近就有一間全新嘅手工意粉及薄餅專門店進駐，主打以意大利最幼滑嘅00號麵粉製作，仲有多款特色主菜、意大利飯及飲品等。餐廳班底由一班曾於港島區人氣餐廳任職逾10年嘅資深經驗廚師及調酒師組成，當中大廚先後喺香港多間知名餐廳工作，更曾於米芝蓮三星餐廳學藝，食物質素可媲美高級意大利餐廳，但價錢就夠晒親民！

所有意粉及薄餅都係每日新鮮手製，意粉分別有自家製闊麵及幼麵，前者口感份外煙韌；後者就更能吸收醬汁味道。

慢煮龍蝦配自家製闊麵($198)

招牌慢煮龍蝦配自家製闊麵！將波士頓龍蝦抽真空後慢煮，以保持肉質鮮嫩。醬汁特意龍蝦頭製作，龍蝦鮮味更明顯。自家製闊麵每日新鮮手製，口感份外煙韌，每食一啖都感受到龍蝦味道。

蜆肉馬拉盞幼麵($138)

Special Menu蜆肉馬拉盞幼麵，味道香辣，好有馬拉風味，而且雖然係幼麵，但煮嘅時間恰到好處，唔會過於軟腍，幼麵仲更易吸收晒惹味嘅醬汁呀。

U.A.N手工薄餅($198)

手工薄餅亦係餐廳另一推介，設有大(11x11)及小(7x11)兩款不同尺寸，最適合三五知己分享。外形有別於坊間圓形嘅設計，而係呈長方形的薄批，口感薄脆！「U.A.N」係當中嘅人氣之選 ，配上番茄醬、Burrata Cheese及Prama Ha，面層再放上Burrata Cheese，切開後呈現流心狀，好味又吸睛。

24小時慢煮豬腩肉($178)

層次分明的豬腩肉經過慢煮後外脆內軟，肉質嫩滑，肥嘅部份入口即溶，唔會覺得太油膩。

燒封門柳($198)

封門柳用嚟打邊爐就聽得多，原件上真係少見啲～燒封門柳熟成程度啱啱好，而且牛味好重，啱晒咁多位牛魔王！

Up a Notch Homemade Pasta & Pizza
地址: 荔枝角長義街9號D2 Place1期3樓301號舖