荷蘭設置「腦退化小鎮」街上所有人都係員工?!
有無睇過占基利主演嘅電影《真人Show》,戲中主角生活嘅世界其實都係預設好,見到嘅人全部都係演員,原來現實世界上都有類似地方!
荷蘭阿姆斯特丹一個小鎮「候格威村」,係全球唯一一條設置畀腦退化患者入住嘅小村,有別於一般療養院,創辦人希望患者生活於一個正常社區之中,於是建立呢條小村,當中有街市、超市、酒吧、餐廳、廣場等,其中有各種各樣看似普通嘅常人,其實全部都係護理人員。
負責人指腦退化患者一旦發病就會出現神智不清、語言障礙、記憶喪失等問題,通常只有8至10年壽命。通常患者會被關於家中或老人院,怕佢哋走失,但反而令患者患上情緒病例如抑鬱症、焦慮症等。
候格威村目前有23座房屋共152位患者,患者平日可以自由地出入小鎮各個地方,過正常生活。不過放心,小鎮只有一個出入口而且全天候24小時有專人把守,確保唔會有病患走出呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: