莊思敏過招 綁緊異地戀

東方日報
·1 分鐘文章

劉晨芝被爆與爆肌型男Kevin拍過拖,好友莊思敏笑言不知情:「佢竟然瞞我?不過我知佢識Kevin Kreider,佢異性緣不嬲旺,好多男仔Friend,可能Date過冇話畀我聽。(你同佢都係異地戀,你開花結果,佢同Kevin就無疾而終,會唔會教番佢幾招,下次維繫得好啲?)呢啲真係要經歷同適應,計劃永遠趕不及變化,要慢慢嚟。(介紹男仔畀佢?)佢經常叫我介紹,香港嘅要識都識晒,要去吓台灣或者馬來西亞,向外發展。」

至於Adrienne的緋聞男友黃建東亦不知道女方曾與Kevin拍拖,但坦言並不意外:「佢成日喺外國,又去過格林美、奧斯卡呢啲國際盛會,識好多人。加上佢樣靚身材正,吸引唔同男士都好正常。(珠玉在前,對自己嘅信心會唔會打折扣?)唔會,最緊要佢依家開心,每個人都有過去。」