莊思明做Gym減輕罪惡感

莊思明留在佛山埋首拍劇。
莊思明留在佛山埋首拍劇。

藝人莊思明現時在佛山為無綫拍攝新劇,同行還有姐姐莊鍶敏、男友楊明、姚子羚及蔡潔等。已抵達當地約一個月的思明,坦言酒店的隔離生活比她想像中簡單,更有點享受:「初時都覺得有啲唔慣,全日得自己一個好靜,後來反而OK,會自己安排嘢做,每日都會做運動。食嗰方面就控制食量,初初會食午餐、晚餐,之後連晚餐都唔食,免得隔離完肥咗。」她現時已進入工作狀態,空閒時就去做運動:「呢度太多美食,樣樣都想試!所以我已經Join咗健身院,勤力啲做運動,食完都冇咁大罪惡感。」

另外,其20歲愛犬早前離世,她卻不在身邊,大感遺憾:「佢太懂事,佢真係等到屋企冇晒人先靜靜咁走,佢唔想我哋難過。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能