莊思明趕生B 望雙喜臨門

莊思明(左)與莊鍶敏收拾心情開工。
莊思明(左)與莊鍶敏收拾心情開工。

莊鍶敏與莊思明前晚錄影李思捷主持的《思家大戰》,早前喪父的她們心情已平復,莊鍶敏透露曾叫媽咪由馬來西亞來港生活:「但佢想留喺嗰邊陪孫。」記者叫思明「努力」,她說:「盡快啦!我都等唔到幾耐,年紀問題嘛!不過今年唔會結婚,希望明年一次過報喜。」

同場的蕭正楠表示近來經常飛往馬來西亞:「嗰邊有地產商請我同翠如做嘢,仲話會畀個超優惠價錢我哋置業。(買咗樓?)計劃中,睇吓個折有幾靚先。」又打趣表示在當地做「湊仔公」:「契仔精力無窮,當我玩具咁,朝早7點就敲門攞玩具槍射我。(仲敢唔敢生?)驚得嚟又幾鍾意。」